CHAPTER 87 (FADING AWAY)

JADE’S POV

M A B A G A L . . . na isinilid ni Aira ang ilang piraso ng damit niya sa bag, habang sumisinghot-singhot pa.

“Susulat ka ‘te ah,” wika nito sa nanginginig na boses.

Kinunutan niya ito ng noo.

“OA mo,” kunwa’y inis niyang komento sabay bato ng damit na tinutupi niya.

“Magpapagamot lang si JM d’on, para kang ano. ‘Tsaka isa pa, kalapit-lapit ng Cubao, makaiyak ka naman d’yan, ‘kala mo mag-aabroad kami e,” pang-aasar niya sa kaibigan.

Dalawang araw matapos ang makaantig-damdaming tagpo ng mag-ama sa ICU, ay pinayagan nang ilipat si JM sa General Ward.

Noon din siya kinausap ni Red tungkol sa plano nito.

FLASHBACK:

Inaayos niya ang mga gamit ni JM sa private room na pinaglipatan nila nang bigla siya nitong lapitan.

“Trinity, pwede ba tayong mag-usap?” seryosong bulong sa kanya ni Red.

Muntik pa siyang mapaiktad dahil halos naramdaman niya ang hininga nito sa may bandang tenga niya. Tanda na sobrang lapit nito sa kanya.

Napatingin tuloy siya sa paligid dahil hindi lan