CHAPTER 3

Napasinghap ang mga tao sa paligid. Hindi sila makapanila sa mga tinuran ni Selina. Hindi inaakala ng direktor na ganitong mga salita ang lalabas sa bibig ng isa sa mga mahusay nilang doktor. The highest paid doctor of this hospital is careless about her words.

Kahit si Rena ay hindi makapaniwala sa kanyang narinig mula sa mapangahas na babae. Hindi niya inakala na may naglalakas ng loob na kumalaban kay Zack.

“Sino ka sa tingin mo para kausapin ng ganito si Mr. Zack? Hindi mo ba siya kilala? At bakit mo ba inaantala ang operasyon sa senyorito? Kapag may mangyari sa kanya ay hindi sapat ang buhay mo para maging kabayaran sa buhay niya.” matapang na saad ni Rena sa doktor.

“Kung gusto mo ay ikaw na ang gumawa. Kung kaya mo lang naman.” kaagad naman na sagot ni Selina na may kasamang pang-uuyam.

Hindi naman makapaniwala si Rena sa kanyang narinig kaya mabilis niyang hinawakan ang braso ni Zack.

“Mr. Zack, narinig mo ba ang sinabi ng babaeng ito? Kapag may mangyari na masama kay Zayn ay siya ang dapat na sisihin. Ang arte niya na para bang may iba pa siyang gusto.” 

“Ako? Bakit ako? Eh hindi naman ako ang nagkulong sa silid niya.” natatawa na lang si Selena dahil hindi siya makapaniwala sa kanyang narinig.

Bigla namang kinabahan si Rena sa kanyang rinig kaya kaagad itong nagpaliwanag kay Zack.

“Mr. Zack, hindi po totoo ang mga sinabi niya. Doctor ka ba talaga? Saan ang ethics mo? Nasa loob na ang bata at nasa kritikal na lagay pero ayaw mo siyang iligtas! Talagang nag-iinarte ka pa!”

Nang matapos na sa pagsasalita si Rena ay humarap ito sa direktor.

“Anong klaseng hospital ba kayo? At bakit niyo tinanggap ang babaeng ito para maging doktor dito?! Kapag may mangyari kay Zayn ay idedemanda ko kayong lahat! Hindi ako nagbibiro!”

“Pasensya na po,” hindi ng paumanhin ng direktor. 

Mabilis niyang inutusan si Doktor Jerrick na pumasok na sa loob ng operating room pero pinigilan ito ni Zack. 

Nagkatinginan si Zack at Selina ng mata sa mata. Kahit pa mata lang ang naka-exposed ay hindi nito maiwasan a hindi mapalunok. Dahil sa kakaibang tingin nito sa kanya. 

“Gawin mo na ang trabaho mo,” malamig at puno ng awtoridad na utos ni Zack sa kanya.

“I have a freedom to refused,” tanging sambit ni Selena at naglakad na siya palayo.

Pero bigla itong hinila ni Zack at mabilis na sinakal sa leeg.

“Fvck you, Zack! Let me go!” sigaw ni Selina.

Hindi nagbago ang malamig na ekspresyon ng mukha ni Zack. Iilan lang ang may lakas ng loob na kausapin siya ng ganito at isa na doon ang kanyang dating asawa. At ngayon na nakatingin siya sa babaeng doktor na nasa kanyang harapan ay hindi niya maiwasan na maalala ang taong matagal ng wala sa mundo.

“Huwag mong hintayin na pagbayaran ng ospital na ito ang kasalanan mo. Wala akong pakialam kung pagod ka at dapat mong gawin ay iligtas ang anak ko,” malamig na turan niya bago niya ito binitawan ng pabalibag sa pader. 

Tumingin si Selina sa lalaki ng malamig.

“Hindi mo sana pagsisihan ito.” 

Tagos hanggang buto ang galit niya sa lalaking nasa kanyang harapan ngayon. Pero hindi rin niya kaya na nasa loob ng operating room ang isang bata. Kaya nang makapasok na siya sa loob ng operating room ay ginawa niya ang kailangan niyang gawin. She needs to be professional para maiwasan niyang maibuntong sa bata ang galit niya sa ama nito. Hindi niya isusugal ang lisensya niya para lang dito.

Habang nakatingin sa bata na nakahiga sa operating room na walang malay at may mga dugo sa buong mukha nito ay masasabi niya na parang pamilyar ito sa kanya. At masasabi niya na isang gwapong bata ito. Pero wala na siyang oras para pagmasdan ang bata dahil kailangan na niyang isagawa ang operasyon sa lalong madaling panahon.

Tumagal ng halos apat na oras ang operasyon. It was successful at masaya ang lahat maliban kay Selena. Napatingin siya sa bata at nakita niya na madungis ito kaya naman kinuha niya ang panlinis at sinimulan na linisin ang mukha ng bata. Ang batang ito ay ang tagapagmana ng mga Miranda kaya hindi naman maaari na maging madungis ito.

Bigla siyang natigilan. Biglang nanginig ang mga kamay niya dahil nang tuluyan niyang malinis ang mukha ng bata ay bumungad sa kanya ang mukha nito. Hindi siya makagalaw sa kinatatayuan niya dahil sa hindi siya makapaniwala.

“Paano ito nangyari?” Tanong ni Selina sa kanyang sarili habang hindi inaalis ang mga mata sa bata.

“Sino siya?” Wala sa sarili na tanong niya.

“Siya ang nag-iisang tagapagmana ng mga Miranda. Ang pangalan niya ay Zayn.” Sagot ng katabi niya.

“Zayn? This can't be!”

Ang namumutla na mukha ni Selena ay napalitan ng kakaibang saya. Ang batang nasa kanyang harapan ay kamukhang-kamukha ni Tristan. Ang isa sa kambal niyang anak. Ang buong akala niya ay isa lang ang ipinagbubuntis niya pero kambal ito. Isang babae at isang lalaki.

Hindi siya mapakali dahil ang alam niya na si Tristan ang batang ipinanganak niya noon. Ang ibig bang sabihin nito ang tatlo ang iniluwal niya? Ang batang ipinakilala nila sa buong mundo ay hindi tunay na anak ni Sarah kundi anak niya. Siya ang tunay nitong ina.

“Bakit nagsinungaling sa akin ang kapatid ko?” Tanong ni Selena sa kanyang sarili.

Habang nakatingin sa bata na nakahiga dito sa loob ng operating room ay hindi niya maiwasan na hindi makaramdam ng awa sa bata. Sa murang edad nito ay naranasan na nito ang mga ganitong bagay. Galit na galit ba talaga si Zack sa kanya kaya ganito ang ginawa nito sa anak niya.

Mabilis na dinampot ni Selena ang matalas na gunting. Namumula ang kanyang mga mata sa galit at parang hindi niya kayang pigilan ang galit sa kanyang puso. Mabilis siyang lumabas sa operating room na may hawak na gunting.

“Doc, kumusta na po ang lagay ni Zayn?” umiiyak na tanong ni Rena kay Selena ng tuluyan itong makalabas.

“Tabi!” may diin na utos ni Selena habang nakakatakot ang mga mata nito.

Kaagad naman napansin ni Rena ang hawak na gunting ni Selena kaya napalunok ito ng wala sa oras.

Kaagad namang hinanap ng mga mata ni Selena si Zack. Sa loob ng limang taon na hindi sila nagkita ay hindi man lang siya nakilala ng lalaki. Nagsama sila sa iisang bubong sa loob ng tatlong taon at araw-araw na magkatabi sa kama. Pero kahit na ganoon ay wala pa ring tatalo sa salita ni Sarah na napapasunod si Zack. Napakalupit nito para tratuhin nito ng ganito ang kanyang anak.

Nagkalat sa bawat sulok ng hospital ang bodyguards ni Zack. At ngayon ay pilit na pinapakalma ni Selena ang kanyang sarili. Pinipigilan niya ang puot sa kanyang puso dahil naisip niya na isa pa rin siyang doktor. At hindi nito maaring malaman na buhay pa rin siya.

“Successful ang operation ng bata. Sa ngayon ay kailangan na niyang ilipat sa intensive care unit. Pamilya lamang ang puwedeng dumalaw. At isa pa may tulog pa ito ngayon. He’s under observation,” utos ni Selina sa nurse na nasa kanyang harapan.

Nang dahil sa narinig ay nakahinga naman ng maluwag ang direktor at pinuri siya nito. Pero wala siyang pakialam sa mga papuri nito.

“Doktor ako at ginagawa ko lang ang trabaho ko.” kalmado na saad ni Selina sa direktor at kaagad na itong tumalikod para umalis.

****

Kahit na walang emosyon na makikita sa mga mata ni Zack ay mapapansin pa rin na nakatingin siya sa babaeng doktor na papalayo. Ang babaeng nakasuot nang uniporme ng pang-doktor at ang mga mata ng babae ay pagpapabalik sa mga alaala niya tungkol sa isang babae na matagal na niyang hindi nakikita.

“Parang may kakaiba sa doktor na ‘yon?” wala sa sarili na saad ni Rena na nakatingin rin pala sa babae.

“Sino siya?” malamig na tanong ni Zack.

“Sa pagkakaalam ko ay isa siyang general surgeon na galing pa sa ibang bansa. Bakit? Attracted ka ba sa kanya? Gusto mo ba siya? Bakit nakatingin ka sa kanya? Maganda ba siya para sa ‘yo kahit na mata lang naman ang kita sa kanya?” sunod-sunod na tanong ni Rena.

“Tapos kana ba mga sasabihin mo?” malamig na tanong ni Zack sa kanya.

Kaagad naman na tinikom ni Rena ang kanyang bibig. Alam niya na kapag kasama niya si Zack ay wala siyang karapatan na magtanong. Dahil balewala lang siya sa lalaki. Dahil ang tanging tingin nito sa kanya ay isa lamang siyang tagapag-alaga ng anak nito. 

“Ngayon pa lang ay magdasal kana.”

“Kuya Zack, alam naman natin na makulit na bata si Zayn. Kaya alam natin pareho na wala akong kasalanan. Hindi ko siya kinulong. Ginagawa ko lang ang alam ko na makabubuti sa pamangkin ko. Sa loob ng maraming taon ay tinuring ko siyang tunay na anak dahil na rin sa pagmamahal ko sa ate ko at nasasaktan akong makita siya sa ganitong sitwasyon. Kaya sana ‘wag mo naman akong takutin ng ganito.”

“Makakaalis kana.”

Tumayo si Zack at hindi man lang tinapunan ng tingin si Rena na patuloy pa rin sa pag-iyak. Naglakad ito hanggang sa may nakita itong isang doktor.

“Where is the office of Dr. Enna?”

“Dok Enna po?”

“Yes!” naiinis na sagot ni Zack sa doktor.

Kaagad naman na tinuro ng doktor ang direksyon ng opisina ng magaling na doktor. Kaya mabilis na binitawan ni Zack ang kamay ng babae at naglakad na siya papunta sa direksyon ng opisina ng doktor na si Enna.