SPECIAL CHAPTER

CHE-CHE POV

(AFTER 10 YEARS)

“CHEMMARY PELIPA–RODRIGUEZ, C*M LAUDE!”

Isang masigabong palakpakan ang naririnig ko mula sa mga tao sa paligid. Kaliwa't-kanan na pagbati mula sa kapwa ko mag-aaral.

Araw ng graduation ko ngayon at napaiyak talaga ako sa sobrang saya ko. Pagkatapos ng ilang taon ay natupad ko rin ang pangarap ko na makapagtapos sa pag-aaral. Sobrang hirap ng mga dumaan na taon sa akin. Pero dahil nasa tabi ko ang asawa ko at mga anak ko ay lahat kinaya ko. Marami akong gabi na walang tulog at laging pagod. Pero ang lahat ng 'yon ay nagbunga. At ngayon ay aanihin ko na.

“I’m so proud of you, Boba. Congratulations!” Malambing na bulong sa akin ni Jayson.

“Thank you so much, Bubu. Hindi ko ito magagawa na ako lang. Kayo ng mga anak natin ang lakas ko at dahilan ko kaya patuloy akong nagsisikap. Para sa inyo ito.” Naiiyak na sabi ko sa kanya.

“You’re the best wife and mother ever. How to be you, Boba?” pabiro na tanong niya sa akin.

“Iba po kasi ang alagang Jayson Rodriguez.