36. TWISTED (EXPLICIT CONTENT)

"REGINA? Simula ng bumalik ka palagi ka ng tulala." May pag aalala na sabi ni Wilma. "Ayos ka lang ba? Saka bakit may sugat at pasa ka?" Hinawakan nito ang braso niya at pulsuhan niya na may mga pasa.

"Nakipagsapakan ka ba?" Tinitigan din nito ang sugat sa gilid ng labi niya.

Umiling siya at tumawa. "Wala lang 'to." Umiwas siya ng tingin.

"Bakit ka nga pala tumakbo no'ng isang araw? Hinanap ka namin pero hindi ka namin nakita. Ang daming tao na natakot kasi maraming dumating na mga lalaki. Ang tsismis pa nga may kinuha daw na babae." Kwento ni Wilma.

Yumuko siya at lumunok.

"Akala nga namin ikaw na 'yong kinidnap." Sabi naman ni Joseph. "Saan ka ba kasi galing? Saka 'yong totoo, ha. Nakipag away ka, no?"

Kumamot nalang siya sa ulo at hindi na sumagot.

Natigil lang sa pagtatanong sa kanya ang dalawa ng may costumer na dumating.

Pagkagising niya ay nasa isang hotel na siya. Malakas ang kutob niya na dinala siya do'n ni Leo nang makatulog siya. Dalawang araw din siya nagtagal sa poder n