Chapter 15

Nagising ako na nanghihina ang aking katawan. Nahihirapan akong gumalaw dahil masakit ang buong katawan ko. Para akong binugbog ng ilang beses na pati mga kasu-kasuan ko nananakit. Kaagad akong binalot ng takot nang maalala ko ang ginawa ni Stella sa akin.

How could she do that to me? Muntik na akong mamatay dahil sa ginawa niya sa akin.

Mabilis akong napabalikwas at bumangon kahit nanginginig pa ang mga kalamnan ko. Hindi pamilyar sa akin ang silid na kinaroroonan ko ngayon. Paano kung mangyari ulit ang nangyari kanina?

Lumukob ang takot sa puso ko nung maalala ko ang galit sa mukha ni Stella. Handa siyang pumatay para sa pag-ibig niya kay Luke. Pero naalala kong binanggit niya ang pangalan ni Gaden. Bakit nasali si Gaden dito?

Inilibot ko ang aking tingin sa loob ng silid, wala kong makita palatandaan kung nasaan ako.Sinong nagdala sa akin dito?Nagsimula na akong kabahan. Pakiramdam ko mabibingi ako sa lakas ng tibok ng aking puso, na sa sobrang bilis nito parang literal na lalabas