Chapter 26: Surrender

ILANG BESES NA nagpakawala si Daphne ng hininga bago umalis sa puwesto. Nakasunod sa kan’ya ang guard dahil may hawak siyang pera. Pangalawang araw niya ngayon bilang cashier. Ginusto niyang pumasok ulit ng trabaho kaysa tumambay. Ayaw niyang iburo ang sarili sa bahay. Mabuti pa rito masaya. May nakakausap rin siya.

Maaga ang out niya ngayon. Eeight hours lang ang duty niya kasi.

Dumaan siya sa palengke para mamili ng ulam na lulutuin. Mamaya pa kasi ang labas ni

Amelie. Maganda na iyong luto na ang pagkain pagdating nito.

Napangiti siya nang makita ang babaeng tindera ng manok. As usual, napakaingay niya, walang pinagbago.

"Uy, suki! Long time no see!" anito nang makita siya.

"Nakarami na bang kita?" nakangiting tanong niya rito.

"Marami, ako pa ba?" Ngumiti pa ito sa kan'ya ng matamis. "Ilan ba?"

"Kalahati lang. Dalawa lang naman kami."

Nag-chop ito ng manok at tinimbang.

"Ayan, sobra 'yan suki, kaya sobrahan mo rin ang bayad." Humagikhik pa ito.

Naiiling na binigay niya ang pera