Chapter 29: Rejected

“ANONG GINAGAWA MO dito?” aniya nang lapitan sila BK.

Tumingin siya sa mga kaibigan ng asawa na papalapit din sa tarangkahan nila. Tanging si Max lang ang humaharang kay BK. Ang ina niya ay palipat-lipat ng tingin sa amin ni BK.

“Sinusundo ka, baby.”

“Baby your ass!” dinig niyang sabi ni Max na nakatitig kay BK. Saglit lang sinulyapan ni BK si Max bago tumingin sa kan’ya.

“Puwede bang umalis ka sa harapan ko. Asawa ko ang pinunta ko dito, hindi ikaw. At wala akong balak na makipagdiskusyon sa kung sino.”

“Hindi ako aalis hangga’t walang sinasabi si Daphne,” matigas na sabi ni Max.

“Pasensya na, hijo. Sino ba ang asawa mo dito?” nakapameywang na ang Mama niya kaya napalunok siya.

Biglang naurong ang dila ni BK sa tanong ng ina.

“‘Ma,” aniya.

Sumulyap lang ang ina niya sa kan’ya. Parang sinasabi nitong hayaan niya lang dahil ito ang bahala kay BK.

“S-Si Daphne po,”

“Ha? Ikaw ang asawa ng anak ko? Sigurado ka? Eh, bakit si Max ang laging nasa tabi ng anak ko? ‘Wag mo nga akong