Chapter 37: Text Message

NAPAHAWAK SI DAPHNE sa batok nang maramdaman ang pangangalay kakayuko. Kanina pa siya dito sa garden. Ewan, gusto lang niya tumulong sa kasambahay ng mga Hernandez. Iniwan muna siya ng asawa dahil may lalakarin daw siya. May security ang bahay nila kaya malakas ang loob na iniwan siya ni BK. Sa condo kasi nito, mga kasamahan lang nito sa trabaho ang mga nagbabantay sa kanila. Minsan napu-pullout daw kapag may misyon. Eh dito daw sa bahay nila, puno ng security. Pinasadya daw noong nasa serbisyo pa ang panganay nila na si Astin. Retired army at detective din kasi.

Inamin na sa kan’ya ang organisasyong kinabibilangan nito. At hindi lang masabi nito ay kung sino ang nag-hire sa agency ng mga ito para proteksyon niya dahil ang pinaka-boss lang daw nila ang may alam. Mas pinili nitong bumali sa serbisyo dahil sa kan’ya.

“Okay lang po ba kayo, Ma’am?” tanong sa kan’ya ng isang kasamahan sa hardin.

“Okay lang po. Nangalay lang po ako pero okay na po.” Muli niyang tinanggal ang ilang ligaw