Kabanata XLIII

Third Person POV

Magulo ang bahay, madumi at puno ng bakas ng dugo. Bukod sa tatlong dinakip ng mga trespassers ay naiwan sa manor ng mga Adalwolf ang walang malay na si Lisencio at sugatang si Fergus. Hindi naman malala ngunit sapat na para hindi pa ito makalaban sa kanila. At kung lalaban pa siya, alam niyang mamamatay lang siya.

Malakas si Fergus ngunit imposibleng matalo niya ang ganoong karaming kalaban lalo na at may mga kasama pa silang bampira. Hindi nila inaasahan ang maduming paglalaro ng mga Ferus.

Pinilit tumayo ni Fergus upang tawagin ang lahat ng ranggong nasa misyon. Ngunit bago iyon ay inayos niya na si Lisencio sa isang lugar. Hindi naman malala ang lagay ngunit mukhang malakas ang pagkakahampas sa kaniya sa pader kanina.

Kahit naman sino ay mahihilo kung sampung beses kang hinampas sa pader, maswerte pa nga si Lisencio na buhay pa siya. Kung hindi ay hindi rin siya karapatdapat na bahagi ng ranggo ng mga Adalwolf.

Dumirets