Kabanata XXIX

Lucas' POV

Alam ko din namang wala akong magiging laban sa kanila kung pisikal na lakas ang pag-uusapan at mabilis rin ang bawat kilos nila pero nagsanay ako para rito, para protektahan ang sarili ko. Hindi ko hahayaang may masaktan!

Inihanda ko ang kutsilyo ko at saka ako pumosisyon nang ayos. Kita ko ang pag-ngiti nila nang nakakaloko, siguro ay minamaliit nila ako sa kanilang isipan, tignan natin kung makangiti pa kayo pagkatapos ko kayong pulbosin! Kumukulo ang dugo ko sa kayabangang ipinapakita nila sa akin.

Kita ko ang pagtayo ni Nerio mula sa lapag. Pumunta siya sa harap ko, hinaharang ang mga tingin nilang tatlo. "Kaya kong protektahan ang sarili ko, hindi mo kailanganga lumingon sa akin. Magpokus ka na lang sa harap mo." Hindi siya sumagot o kahit na tumingin pero tumabi siya at sumugod sa tatlong nasa harap namin.

Ang isa naman sa tatlo ay lumapit sa akin, mabilis ngunit sinanay ako ni Lucio sa kanilang kilos at galaw. Agad kong naiwasan