Kabanata XXXIII

Lucas' POV

Ilang galos na ang natamo ko mula kay Lucio at halos dalawang oras na kaming nagsasanay. Pero alam kong nag-iimprove ang lakas ko lalo na ang pisikal. Kung noon ay hindi ko magawang maitulak man lang o tumagal ng isang minuto habang pinipigilan ako ni Lucio sa pagtulak sa kaniya ngayon ay iba na.

Nasasanay na ako sa lakas at bilis nila pero hindi ko itatangging hindi ako magiging sing bilis at lakas nila. Ngunit masaya ako dahil kahit papaano ay hindi na ako mahina. Hindi na nila ako maibababa sa ganoong senaryo ulit.

"Let's take a rest, I'm tired." Umupo si Lucio sa tabi ni Rell habang ako na man ay umupo sa aking kinatatayuan. "Water?" Tumango ako at hinagis niya sa direksyon ko ang bote ng tubig.

"Lucas." Tumingin ako kay Rell na ngayon ay nasa tabi ko na.

"Hmm?" Nagpatuloy ako sa pag inom. Ngayon ko lang napansing tumangkad siya.

"Pwede ba kitang dalawin araw-araw?" Natawa ko sa sinabi niya. "W-why are you laughing?"