Kabanata XXXVIII

Lucas' POV

Nakailang buntong hininga na ba ako sa araw na ito? Pangatlong araw na ito ngayon pero hindi pa rin niya ako nilulubayan. Araw-araw ay nakabuntot siya sa akin na para bang isa siyang aso- never mind. Ang masama pa rito ay pati sina Rell at Lucio naka buntot rin sa akin. Para tuloy akong may alagang mga aso.

Hindi naman ganoon kasama pero wala ba silang trabaho? Lalo na si Fenrill, akala ko ba ay may problema sa trabaho niya? Bakit siya narito ngayon at nag aaksaya ng oras imbes na magtrabaho? Tanggap ko nang hindi niya ako titigilan at seryoso siya sa panliligaw kuno niya pero sa banyo lang ako may kalayaan.

Nagtitiis siyang matulog sa sofa sa kwarto ko kahit hindi naman siya kasya, ang laki-laki ng katawan niya kaya malamang ay hindi siya kakasya doon. Napaka tigas ng ulo, sinabi ko na sa kaniyang pwede naman siyang matulog sa kwarto niya rito sa manor ng mga Amoux at bumalik na lamang kinaumagahan pag gising niya.

Magkikita rin naman