Kabanata 29

Kabanata 29

ODETTE was silent, sitting on the glass chair. Nasa loob na sila ng building ng Royal Cervantes, sa lobby to be precise. Naghihintay sila na dumating ang accounting para sa kanilang sahod.

“Ang kati ng palad ko!” Malakas na sabi ni Markus kaya nagkatawanan sila.

Iyon kasi ang bumasag sa katahimikan at pormal na pagkakaupo nila roon. Hindi pa naman sila gasino na naghihintay. Nasa bente minutos pa lang siguro.

Maging si Violeta na nakaupo sa di kalayuan Ay nangingiti rin.

Nakakabilib ang babae dahil kahit araw ng Sabado ay napaka-dedicated sa trabaho. Malamang may extra payment iyon dahil hindi naman weekdays.

“Ikamot mo sa bulsa para hindi mawala ang pera,” sabi naman ni Sixto kaya nagkatawanan ulit ang lahat, “Dito sa bulsa ko!”

Napalaki na ang ngiti ng sekretarya. Siya man ay nagkaroon din ng tunog ang tawa. Mabuti na lang at mga sira ulo ang kaibigan niya, sumasaya siya.

Parang wala rin kasi siya sa mood magsalita. Kanina pa siya tahimik. Kahit sa bahay ay tahimik siya