Chapter 91

“Gracia, ano ang ibig sabihin nito?” Naguguluhan na tanong ni Emanuel sa kanyang asawa habang nakatingin sa dalawang maleta na nasa bungad ng pintuan. Habang ang kanyang asawa ay magkasalikop ang mga braso sa tapat ng dibdib nito. Kararating lang niya mula sa business trip, ngunit alam na ni Gracia na hindi business trip ang pinuntahan ng kanyang asawa kundi galing ito sa babae nito.

Isang nakamamatay na tingin ang naging tugon ni Gracia sa tanong ng kanyang asawa. Humakbang si Gracia palapit sa kay Emanuel at huminto sa mismong tapat nito na may tatlong dangkal ang pagitan. “PAK!” Malutong na sampal ang naging sagot ni Gracia sa tanong ng kanyang asawa habang nanlilisik sa galit ang mga mata nito na nakatitig sa kanya. maya-maya ay nagsimula ng lumuha ang mga ng kanyang esposa at bakas ang matinding sakit mula sa maganda nitong mukha.

“Pinagsisisihan ko na ikaw ang lalaking pinili ko. Pinagsisisihan ko na sayo ako nagpakasal, s-sana hindi na lang ikaw ang lalaking minahal ko kung