Chapter 44

Ria

“Kamusta ang pakiramdam mo mama?” tanong ko kay mama habang papalapit ako sa kama niya.

Mag-iisang buwan na kaming nandito sa Maynila para ipagamot siya. Noong una ay ayaw niya pero napilit din namin siya nila Ava at KC.

Hindi pumayag si mama na lumayo ako kaya naman nagdesisyon ang grupo na iwan na ang bahay sa Antipolo at lumipat kami sa isa pang bahay ni mama sa Nasugbu, Batangas.

Kasama namin sa paglipat si Yaya Flor, si Ava at si KC. Iniwan na niya ang pamamahala sa organisasyon kay Trish at Zues. At gaya ng pangako niya, malaya na kaming tatlo.

Mukha namang okay lang kay Trish ang naging desisyon ni mama. Dinadalaw dalaw nalang niya kami sa Batangas pag di siya busy. Mukhang nagkakamabutihan na rin sila ni Zues at masaya ako para sa kanilang dalawa.

Pinagtulungan namin na maitayo ang Architectural Firm na pangarap ko noon sa tulong ni mama. Nagsimula kami sa isang maliit na opisina hanggang sa lumago ito at unti unting nakilala. Katuwang ko si Ava na nagamit ang expert