Chapter 68

Ria

Mabilis namang lumipas ang mga araw at ngayon nga ang kaarawan ni Marcus. Hindi pa rin siya nagpapakita sa akin pero tumawag naman siya kanina at sinabing sa venue na kami magkita.

Gusto ko siyang singhalan para pumunta dito dahil sobrang miss ko na siya pero hindi ko na ginawa dahil birthday naman niya ngayon. Ang pangit naman kung aawayin ko siya!

“Handa ka na ba?” tanong sa akin ni Mama habang nag-aagahan kami

Maaring ang tinutukoy nito ay ang pagpapakilala ko kay Marcus sa kambal.

“Opo Mama. Sana lang po hindi magalit sa akin si Marcus.” nandoon pa rin ang pangamba ko na baka hindi maging maganda ang reaksyon ni Marcus

“Nandito lang kami sa likod mo, sis. Alam mo naman yun!” Sabi ni Trish

“Alam ko yun!” saka ko sila nginitian

“Sa tingin ko naman hindi. Siguro mabibigla siya pero once na makita na niya ang mga anak niya, tiyak mawawala na ang galit nun.”

pagpapalakas ni Mama ng loob ko

“Sana nga po Mama.” sabi ko naman. Tinapik lang ni Mama ang kamay ko as if telling me that