Chapter 25.1

Chapter 25.1

Nakatulala lang ako habang naghihintay na tawagin ang pangalan ko. Katabi ko si Cate, nakaupo kaming dalawa sa waiting area dito sa labas ng opisina ng isang ob dito sa hospital kung saan naka-confine rin si Daddy. 

Maraming mga nurse at mga pasyente ang dumadaan sa harapan namin, at habang nagtatagal kami sa paghihintay dito, mas lalo akong kinakabahan. 

Napalingon ako sa gilid at nakitang marami din ang naghihintay na mga buntis. Ang iba ay malalaki na ang tiyan, ang iba naman ay hindi pa halatang buntis. Ang iba naman ay may kasamang asawa nila, agad na lumukob ang inggit sa puso ko nang makita kung gaano sila kasaya kasama ang asawa nila. 

Ganyan din ba siya kasaya kapag nalaman niyang magkakaanak na kami? Tatalon kaya siya sa tuwa? Iiyak? Sasamahan niya din kaya akong magpa check-up? Mamimli ng mga