Kabanata 30

Kabanata 30

Nanghihina ang mga kamay na binitawan ko ang dokumento. Nanlalabo ang mga mata at nanginginig ang mga binti ko dahil sa panghihina. Nagmamadali kong kinuha ang cellphone ko na nakapatong sa ibabaw ng lamesa.

Agad kong ini-dial ang number ni Rio. Isang ring lang ay sinagot niya ang tawag ko. Nang ibuka ko ang aking mga labi ay ramdam ko ang panginginig nito.

"Rio, I need your help," Mahina kong pakiusap sa kaniya.

Sunod sunod na nagtuluan ang mga luha sa aking mga mata. Hindi ko kinaya ang panginginig ng aking mga binti at napaupo ako sa sofa.

"About what?" tanong niya. Pag-aalala ang maririnig sa kaniyang boses.

Napalunok ako ng laway nang maramdaman ang panunuyo ng lalamunan ko. Humigpit ang hawak ko sa cellphone ko at napapikit ako. Malalim na paghinga ang aking ginawa.

Pinigilan ko ang paghikbi upang hindi niya marinig iyon.

"May ginagawang katarantaduhan ang asawa ko," sabi ko na pilit inaayos ang pagsasalita ngunit sa kalagitnaan ay napapiyok ako.

"Fuck, it's early in