NAPABUGA siya ng marahas na hininga saka bahagya pang natulala sa hawak na papel. Hindi pa umabot ng dalawampu't apat na oras magmula nang umalis si Nicole ngunit parang iyon na ang pinakamahabang gabi ng buhay niya. Akala nito ay magiging gano'n kadali ang lahat nang napagdesisyunan niyang hiwalayan ang asawa para sa ikapapanatag ng kaniyang kalooban at alang-alang na rin sa kaligtasan nito, ngunit bakit parang sasabog ang isip at puso niya sa mga nangyayari? Dahil ba sinubukan niyang baguhin ang maling desisyon ngunit hindi siya nito pinakinggan? Mas lalo lamang nitong napagtanto na hindi niya kayang mabuhay nang wala ang asawa. Bawat minuto at segundong lumilipas ay para lamang pinipiga ang dibdib niya sa sobrang bigat. "I want you to look for my wife," aniya pagkatapos ay binigay ang hawak sa lalaking nasa harapan. Ngumiti lamang ito nang makahulugan sa kaniya saka tumango. "Sure, Mr. Saavedra. Makakaasa kayong mahahanap ko ang asawa niyo sa lalong madaling panahon." Tumango l
NANG sumunod na araw ay masyadong naging abala si Noah sa naturang business meeting, hindi nito maipaliwanag ang pagod na nararamdaman kahit kung tutuusin ay normal na routine lang naman ng pagiging negosyante ang kaniyang ginagawa.Yes, he's earning millions while smiling and talking with the investors. Ngunit sa kabila noon ay paulit-ulit namang bumabalik sa isipan niya ang tensyong hatid ng mommy ni Ella at kagustuhan nitong joint venture sa kompanyang pagmamay-ari ng kaniyang lolo.And what's more in his stress bag?Walang oras na hindi niya sinilip ang cellphone kung may natanggap ba itong mensahe mula sa kaniyang private investigator.Hinahanap pa rin nito ang asawa habang dahan-dahang inaayos ang mga gusot sa paligid niya.Napabuntong-hininga na lamang si Noah bago tumayo mula sa pagkakaupo nang makitang oras na para silipin niya ang mga bisita. Siguradong nasa main hall na rin ang mga investors mula Sorelle Construction at hinihintay na siya ng mga ito.Pero bago pa man nito m
PAGOD na umupo si Nicole sa sofa pagkarating na pagkarating nito sa tinutuluyang condominium unit. Bumuga siya ng marahas na hininga saka pinakiramdaman ang mga paang bahagya pang nangangatog sa kinauupuan dala ng sobrang pagmamadali."Anong ginagawa mo dito, Noah?" mahina niyang bulong sa hangin.Kung hindi sa tulong nang dumaang 10-wheeler wing van ay paniguradong nagkrus na ang landas nilang dalawa. Mabuti na lamang at humarang iyon kaya nakasisigurado siyang boses lamang nito ang narinig ng asawa.Bibili na sana siya ng hanap nitong manggang hilaw. Mabuti na lang at nagawa niyang makilala si Noah kahit nakatalikod ito sa bungad ng isang convenient store."Ilang araw pa lang ang nakakalipas pero nagawa mo na akong masundan ng Cebu."Wala sa sariling napahimas ito sa kaniyang tiyan dahil alam niyang kung makakapagsalita lamang ang anak ay magtataka ito sa ikinilos niya. Daig pa kasi nito ang nakikipaglaro ng tagu-taguan kanina sa ilalim ng mataas na sikat ng araw."Mukhang seryoso a
HUMINGA muna siya nang malalim bago ipinagpatuloy ang mga gusto nitong sabihin kay Noah.Umpisa pa lamang ay alam niyang hindi magiging madali ang usapan nilang dalawa kaya pinilit nito ang sariling maging kalmado at matatag sa lahat ng oras. Ilang beses mang binalot ng katahimikan ang kabilang linya pero alam nitong nakikinig pa rin ang asawa sa kaniya."Hindi ba't sinabi mo sa aking gusto mo kaming itago ng magiging anak natin?"Muling napabuga ng hininga si Noah.[Yes, Nicole. I'll do that to protect you both.]Marahan siyang napapikit sa naging sagot ng asawa saka hinimas ang tiyan. "Pumapayag na ako sa alok mo, Noah."[Talaga? Thanks goodness, Nicole! Please give me your location para masundo kita agad. I'm in a business meeting in Cebu but I could ask grandpa to represent the company in lieu of me.]Mahahalata ang sigla sa boses ni Noah ngunit sunod-sunod lamang siyang napailing kahit alam nitong hindi naman siya nakikita ng asawa.Napabuntong-hininga siya. "Pumapayag ako pero m
BUMUNTONG-HININGA si Noah dala ng pinaghalong inis at frustasyong nararamdaman. Ilang minuto rin siyang nawala sa sarili hanggang sa mapasandal na lamang ito sa malamig na pader sa kaniyang likuran, kapagkuwan ay muling napabaling sa kaniyang kamay kung saan naroon ang cellphone. "Nicole?" tawag nito nang mapagtantong nasa kabilang linya pa rin ang asawa kahit ilang minuto rin siyang nakipag-usap sa sekretarya. Hindi nawala ang pangalan nito sa screen ngunit pawang katahimikan na lamang ang sumasagot sa kaniya sa tuwing tinatawag niya ang pangalan nito. "Damn!" hasik niya saka napasabunot na lamang sa sariling buhok. Nanghihina siyang napaupo sa sofa. Pakiramdam kasi nito ay unti-unti siyang nilalamon ng kaliwa't kanang stress na mas pinalala pa ng sitwasyong kinaroroonan niya ngayon. If only he's powerful enough to handle the Villafuertes, hindi sana magiging ganito ang mundo niya. Dahil hindi porket bilyon ang perang pumapasok sa kompanyang hinahawakan nito ay wala nang maa
KINAKABAHANG napahawak si Nicole sa kaniyang tiyan habang pinagmamasdan ang hawak na cellphone. Mariin niyang ipinikit ang mga mata habang isa-isang binubuksan ang mga unread messages mula sa asawa.Ilang oras na rin naman ang nakalipas matapos niyang hayaang harapin ni Noah ang hindi nito inaasahang bisita.She heard everything...Kaya gustuhin man nitong kumalma ngunit hindi niya magawa. Ilang taon na rin ang nakalilipas ngunit tanda pa nito kung gaano kalugmok si Noah habang ikini-kuwento sa kaniya noon ang mga naranasan nito sa ina ng dating girlfriend.Hindi niya maaring makalimutan ang pangalang 'yon at hindi niya inaasahang ang tinutukoy pala ng asawa niyang dating nobya ay si Ella at hindi ang first girlfriend ito.Napabuntong-hininga pa siya habang itinitipa sa cellphone ang pangalang narinig, mas mabuti na ang may alam kaysa wala. Laking tulong na rin ng teknolohiya dahil magagawa na nitong kilalanin ang mommy ni Ella nang hindi nagtatanong kay Noah.'Annabelle Dimakulangan-
HINDI PA MAN nakakalabas ng establisyemento si Noah nang magkasalubong sila ni Lolo Arman. Nagmamadali at wala siyang oras na makipag-usap dito kung kaya hangad niyang lampasan ito kung hindi lamang nagsalita ang matanda."Tell me what's going on, Noah," anito na para bang napansin ang mali sa ikinikilos niya.Ilang pulgada na lamang ang layo niya sa bungad pero alam nitong wala siyang ibang choice kung hindi sagutin ang lolo."Kailangan kong puntahan ang asawa ko, Grandpa."Bumilog ang mga mata nito. "You're going back to Manila?"Umiling siya saka bumuntong-hininga. "No, Grandpa. My wife is in Cebu."Alam nitong marami siyang kailangang ipaliwanag kay Lolo Arman at paniguradong hindi magiging sapat ang isang araw para gawin 'yon.Umpisa pa lang kasi ay pagkalito na ang naipinta sa mukha ng matandang Saavedra nang magpaiwan siya sa tabi ng babaeng tinuturing nilang kaaway sa negosyo kung kaya nakasisigurado siyang hindi magiging madali ang paliwanagang mangyayari.MAS BINILISAN nito
MAAGANG nagising si Nicole kaya pinagtuunan nito nang pansin ang mga tanim na white roses at iba't ibang kulay na bougainvillea sa hardin.Dalawang buwan na rin ang nakalilipas matapos niyang pumayag sa kagustuhan ni Noah na itago silang mag-ina mula kay Ella at sa mommy nito. Talaga namang naging mahirap 'yon sa umpisa, malaking adjustment ang ginawa nito hanggang unti-unti rin siyang nasanay sa katahimikan ng rest house.Akala nito ay magiging boring ang bawat araw na wala ang asawa ngunit hindi nito inaasahang mas lalo pala siyang mapapamahal sa anghel na nasa sinapupunan dahil sa araw-araw na ginawa ng Diyos ay nagagawa niya nang pagtuunan ng pansin ang development nito.Mahahalata na rin ang baby bump niya at nabawasan na rin ang morning sickness na nararamdaman nito.Hanggang ngayon tuloy ay napapangiti pa rin siya sa tuwing naaalala ang reaksyon ni Noah noong una nilang marinig ang heartbeat ng kanilang baby. Walang mapagsidlan ang tuwa nilang dalawa pero mabilis din 'yong nata