Kabanata 37.1

Kanina pa hindi mapakali sa inuupuan niya si Beatrice, simula kasi nang tumawag sa kaniya si Aaron nung nakaraang gabi na hindi niya makita si Blaze hanggang ngayon hindi pa rin niya nakikita ang dalawa. Noong tumawag kasi siya wala siyang ginawa at nanatili lang sa bahay niya. Bakit pa ba niya iniisip kung nasaan man silang dalawa ngayon?

Naipilig na lang niya ang ulo niya at pinagpatuloy sa ginagawa. Hindi na siya kasama kung ano man ang kinakaharap na problema ngayon ni Blaze. Kapag lumipas ang panahon madali niya na lang makakalimutan ang lahat pero ang naramdaman ni Beatrice, maraming taon na ang lumipas pero ramdam pa rin niya ang sakit ng panloloko.

Lumabas siya ng office niya para ibigay ang mga papeles na ibinigay ni Blaze nung nakaraang araw pa, kahit wala pa ito ay iiwan niya na lang sa ibabaw ng lamesa ni Blaze para makita niya sakaling makabalik na ito.

Nang makarating siya sa harapan ng pintuan ng office ni Blaze ay napakunot na lang ang noo niya dahil sa mga taong laba