Chapter 38 - More than a Wife

Chapter 38 - Lux

NAPAKUNOT-NOO si Lux nang pumasok siya sa kwarto ng condo at parang hindi man lang siya napansin ni Heart. Ang nakita kaagad niya ay ang nakabukas na pintuan ng balcony.

Nakaupo roon ang dalaga at nagtataka siya kung bakit tumatawa iyon, nakatingin sa kabilang balcony.

Matapos niyang puntahan si Katy sa isang hotel ay talagang dumiretso siya sa condominium, dahil inabisuhan siya ni Vandros na nakalabas na si Heart at iniuwi na nun. Kating-kati na nga talaga siyang pumunta.

Hindi na siya nakabalik kahapon dahil sa kapatid niya. Inalam niya ang lahat ng tungkol sa lalaking nakabuntis dun, at siya mismo ang naghanap, pero sa kasamaang palad ay hindi siya inayunan ng tadhana na makita ang lalaking yun at malagyan ng mapa sa mukha, mapa ng mga malalaking pasa, para sana magtanda at mapilitan na harapin siya, lalaki sa lalaki.

He walked closer to the glass door and listened for a while. Awtomatikong napatiim-bagang siya nang makarinig siya ng boses ng lalaki, nagkukwento ng