Chapter 45 - Naging Makakalimutin

Chapter 45 - Heart

NAPAKABAGAL ng paghakbang ni Heart kasabay ng inang naglalakad papunta sa exit ng ospital, kung saan naroon ang ambulansya. Nasa kwarto pa ang Tatay niya at inihahanda pa ng mga health aides.

Kung mabibigat ang mga paa ng dalaga, kumusta naman ang pakiramdam niya? Kahit na napakasaya niya na maayos na ang lagay ng Tatay niya, nalulungkot siyang uuwi na ang mga ito at hindi na niya makikita araw-araw.

Nagkatinginan silang mag-ina at ngumiti sa isa't isa.

"'Wag ka ng umiyak, anak. Makakauwi ka rin sa atin."

Tumango siya pero wala pa rin naman nagbago sa nararamdaman niya. Kailan pa ba siya makakauwi? Napakarami niyang utang na dapat bayaran sa restaurant at mahalaga sa kanya ang bawat oras. Sa oras na makabalik siya sa trabaho ay dadalasan niya ang overtime para makabayad siya kaagad.

May kaunti pang pera na natira sa Nanay niya. Sabi niya ay magtayo ng maliit na sari-sari store sa harap ng bahay nila, para kahit paano ay may mapagkukunan sa araw-araw. Bilin niya ay it