CHAPTER 23

CHAPTER 23

“NAKITA niya ‘kong mag-breakdown, Blythe...” Bria confided in her best friend as she visited one late night in Blythe’s condo again.

Kumalma na si watashi pero alam niyang kailangan din niya ng makakaramay. At siyempre, sino pa nga ba ang pupuntahan niyang iba kundi si best friend for life.

Hinagod nito ang kaniyang likod habang yakap niya na naman ang mga binti niya. Ewan niya ba, wala kasi ‘atang bume-baby sa kaniya kaya siguro favorite niyang mag-fetal position.

Almost ten years na kasi no’ng huling may tumawag sa kaniya ng baby. Huy!

“Oh, ansabe naman niya?” usyoso ni bruhang best friend.

Nagkibit-balikat si Bria. “Wala naman. Sinamahan niya lang ako pabalik sa kuwarto ko. ‘Tapos sabi niya... igaganti raw niya ‘ko kay Kenzo. Parang gano’n. ‘Di ko sure.”

Kahit ilang beses kasi siyang mag-overthink, hindi niya pa rin ma-gets kung pa’no nito nalaman na si Kenzo ang nag-trigger ng panic attack niya.

Wala naman itong lahing psychic, kaya pa’no nito malalaman ang nangyari?