CHAPTER 24

“BIYANG, umamin ka nga. Tumakas ka ba kagabi?"

Tila huminto sa paghinga si Bria. Pero pilit niyang pinakalma ang sarili para makaisip siya ng magandang idadahilan sa marites na si Madonna a.k.a kontrabidang Lavinia.

“Nakita kitang lumabas sa kuwarto. ‘Wag ka na magkaila,” dagdag pa nito.

Sumimsim muna siya sa kape bago kunwaring kumunot ang noo. “Ha? Hindi, teh, ah. Ang himbing nga ng tulog ko kagabi, eh.”

“Weh?” paghihinala pa nito, “umamin ka na. Tayo-tayo lang naman ang nandito. ‘Di ba, Lengleng?”

Nagkibit-balikat naman si brutal na co-worker. “Ewan ko sa inyo. Wala ‘kong kinalaman d’yan, ah.”

Thankful din talaga siya minsan na madaling mabahag ang buntot nitong si Lengleng at ayaw nadadawit sa gulo. Naliligtas siya nito nang hindi nito alam.

Lord, salamat dahil kahit na lagi akong lamog kapag kasama ko si Lengleng, eh may innocent wisdom naman siya para iligtas ang katawang-lupa ko sa mga masasamang-loob.

Napadasal tuloy siya ulit sa kaniyang isip kahit na katatapos lang nilang m