Chapter 33

Busy ako sa pagluluto ng aming agahan nang may biglang mag-doorbell. Bahagya pa akong napaigtad sa gulat. Hindi ako sanay sa doorbell. Nasanay ako sa pangangatok lamang doon sa eskwater area. 

“Clein, tignan mo nga kung sino 'yun. Baka si Patty na 'yun!” sigaw ko sa kaniya. 

“Opo,” he responded. 

Agad itong tumayo at naglakad palabas ng bahay habang ako ay nagpatuloy sa pagluluto. Mamaya pa ako susunduin ng driver ni Cameron dahil alas sais pa lang. Maayos na rin naman ang hitsura ko kasi maaga akong nakaligo. 

Buong gabi akong walang tulog matapos nang naging pag-uusap namin ni Papa. Nababagabag ako. Hindi ko maintindihan kung tama ba ang ginawa ko o ano. Inabot ako ng alas kwatro kakaisip kaya nang mag alas singko ay napag-isipan ko nang maligo at magbihis.&