THIRTY ONE

“You’re being stubborn again, Kaia. Ubusin mo ‘yan o kung gusto mo, ako ang magsubo sa ‘yo.”

Agad na umikot ang mga mata ko nang marinig ang itinawag niya sa akin. “Kanina mo pa kao tinatawag na ganiyan, hindi mo ba napapansin? Thalia nga sabi ang pangalan ko, hindi Kaia,” suway ko sa kaniya.

Mahina siyang tumawa at tumingin sa gawi ko. Ibinaba niya ang hawak na mangkok ng lugaw sa bed side  table bago umupo sa gilid ng kama ko. Hindi ko naman mapigilang mapalunok nang maramdaman ang presensiya niya na malapit sa akin.

“Nah. I will call you Kaia until you call yourself Kaia.”

Umismid ako. Alam kong hindi ako dapat ma-offend pero pakiramdam ko, kaya niya lang ako inaalagaan dahil ang tingin niya ay ako ang asawa niya. Hindi dahil sa concerned siya kahit na sino man ako.

Humugot ako ng malalim na buntong hininga at umirap. “Mag-aaway na naman ba tayo dahil diyan? Hindi ka pa