CHAPTER 30

SIMULA nangyari ang insidente sa mansion ng mga Walton, hindi nakaligtas sa paningin at pakiramdam ni Gareth ang pananahimik ni Sam sa mga nakalipas na araw, tila laging malalim ang iniisip nito at natutulala.

"Where is my coffee?" Usisa niya sa asawa na abalang nakatingin sa laptop nito. Ang bilin kasi niya kay Sam na bago siya umuwi para harapin ang mga paper works niya ay dapat may kape ng nakahanda.

Walang salitang tumayo ito at nagtungo sa maliit na silid, kung saan naroon ang nagsisilbing pantry at gawaan ng kape. Pagkaraan ang ilang saglit ay lumapit si Sam sa mesa niya at ibinigay ang kape sa kaniya at walang salitang muling bumalik sa corner nito at humarap sa laptop.

"Matabang ito," reklamo niya kay Sam, makaraang tikman ang kapeng gawa nito. Sinabihan na niya itong ayaw niya ng matabang na kape.

Tumingin si Sam sa kaniya at bumuntong-hininga, pagkaraan ay walang salitang muling tumayo at kinuha ang tasa ng kape na nasa taas ng mesa niya. Il