Kabanata 33: False Accusations

TRIGGER WARNING: FROM THIS CHAPTER 33 TO CHAPTER 39 MAY CONTAIN VIOLENCE, ABUSE, SEXUAL HARRASSMENT, SELF-HARM, AND SO ON THAT MAY ENCOUNTER. READ AT YOUR OWN RISK.

"ANO?! SAAN ka na naman galing?! Siguro patago ka na namang nakipagkita sa Nathan na 'yon, 'no?!" galit nitong sigaw matapos niyang sampalin nang malakas ang mukha ni Xandra.

Napahinga nang malalim ang babae. Pagod na siyang magpaliwanag pa rito. Palagi na lang ganito ang nagiging bungad sa kaniya sa tuwing may nilalakaran siya. Nakakasawa na.

Pinunasan niya ang dugong nagmula sa kaniyang labi bago ipakita sa lalaki ang mga basket na may lamang mga pagkain at kung ano-ano pa.

"Namalengke lang ako. At saka, puwede ba? Hindi ko na nga nakikita pa si Nathan, matagal na kaming tapos niyon. Ikaw nga 'tong kasama ko ngayon, ng mga anak natin, kaya bakit ka ba nagdududa riyan? Kung ako sa 'yo, itigil mo na 'yang false accusations mo dahil wala kang mapapalang maganda riyan," sumbat niya rito. Dismayado pa siyang napailing-iling