Kabanata 18.2

Inayos ko naman na ang mga gamit namin para kaunti na lang ang aayusin ni yaya pagdating niya. May isang oras na rin akong nag-aayos pero tulog pa rin ang kambal, wala pa rin si yaya malapit ng magdilim. Makakatulog pa ba ang kambal na ito mamaya gayong ang haba ng tulog nila ngayon?

Tanghali na kasi kaming nakaalis kaya ilang oras din ang byinahe namin. Matapos kong mag-ayos ng mga gamit namin ay lumabas na rin ako, naabutan ko naman si yaya na nagluluto na pala.

“Pasensya na ma’am ngayon lang po ako,” saad niya, tiningnan ko naman ang mga pinamili niya na nasa lamesa at sobrang dami non.

“It’s okay yaya.” Saad ko, hindi ko na siya binibigyan ng mga list ng mga kailangan niyang bilhin dahil alam niya naman ang dapat bilhin unless may ibibilin ako sa kaniya. Ibinibigay naman niya sa akin ang resibo ng mga pinamili niya kaya pinagkakatiwalaan ko na siya sa mga ganiyang bagay.

Tinulungan ko na siya