CHAPTER 18.

Pagdating nila sa resthouse ay sabay na silang tatlo na naligo ulit sa loob ng banyo. Binilisan na niya ang kilos dahil kanina pa namumungay sa antok ang mga mata ng anak. Wala na ito sa mood dahil halata na ang antok sa mga mata nito.

Nauna na rin silang lumabas ng banyo at naiwan si Seb na hindi pa tapos maligo.

Inunang asikasuhin ni Abi si baby Gavin, mabilis niya itong binihisan ng damit dahil papikit-pikit na talaga ang mga mata ng bata. Siya naman ay nakasuot pa run ng bathrobe. Hindi muna siya nagbihis para unahin ang anak.

Nang matapos bihisan ang anak ay agad niya itong tinimplahan ng gatas kaya ilang segundo lang ay agad naman itong nakatulog na habang dumedede pa sa feeding bottle nito. Napagod din 'ata 'tong anak niya sa kakatampisaw sa tubig kanina, kaya ito bagsak agad.

Tatalikod na sana siya para kumuha ng damit para magbihis nang mapansin niya ang celphone ng asawa na nakapatong sa night stand pati na ang wallet at wrist watch nito. Nilapitan niya ito at kinuha