Chapter 59

ISA

MATAPOS makilala ni Uno si Heart, hindi na siya umaalis sa tabi nito. Uuwi lang siya sandali, pagbalik, may dala nang pagkain at mga laruan. Papasok naman sa trabaho, sa breaktime, babalik ulit na may bitbit na namang pagkain at laruan.

Tuwang-tuwa si Heart kaya nakuha niya agad ang tiwala nito. Sa maikling panahon ay naging close na ang dalawa.

Kinailangan munang manatili ng anak namin sa hospital dahil pahina nang pahina ang katawan nito kahit wala na siyang lagnat.

"Ganito rin ang sinabi noon ng doctor sa amin. Walang katapusang gamutan ang mangyayari at baka hanggang sa pagdadalaga niya. Patuloy pa ring manghihina ang lagay niya kapag nasobrahan siya sa pagod."

Hinawakan ni Uno ang kamay ko at marahan itong pinisil. Tulog na si Heart at pareho namin itong pinagmamasdan.

"She'll be okay. Gagawin natin ang lahat para tuluyan siyang gumaling." He brought my hand to his lips.

"Bukas na ba natin sasabihin kay Alas ang lahat?"

"Yeah, stay here with Heart for tonight. Ako na ang baha