Chapter 58

ISA

"N-nay-nay?"

Mula kay Heart ay bumaling ako kay Uno na titig na titig sa mukha ng anak namin. Alam kong litong-lito siya ngayon dahil kamukha siya nito at si Alas.

"Anak, mahal, huwag kang matakot. Halika." I kneeled down and extended my arms to her.

Lukot ang mukha nang balingan ako ni Uno. "Anak?"

Tumakbo naman papunta sa akin si Heart at mahigpit akong niyakap.

"Nay-nay, ba't ka niya away?"

Marahan ko itong hinagod sa likod bago tumayo habang karga ito.

"No, mahal. H-hindi kami nag-aaway."

Tinuro niya si Alicia na wala pa rin malay habang nakasandal sa pader. Tulog na tulog ito. Malamang dahil nasobrahan sa suntok ni Uno.

"Si Ninang Alicia, nay-nay! Patay na!"

Nakagat ko ang pang-ibaba kong labi para hindi matawa. "Anak, hindi pa patay si Ninang Alicia. She's just asleep."

"Asleep?" Tiningnan niya ako gamit ng inosenteng mga mata. Nang tanguan ko siya ay bumaling naman siya kay Uno. "Nay-nay, bad person ba siya?"

Ngumiti ako sabay iling. "No, anak. He's a good person. And nay-n