Chapter 57

ISA

NAKABALIK na kami sa Manila. Ibinenta ni Uno ang lahat ng mansion at villa na pag-aari niya at saka bumili ng bago para sa amin. Isang linggo na lang din, ikakasal na kami, pero may isang problema pa na dapat kong ayusin.

"Hello, anak ko! Kumusta naman ang mahal ko? Are you eating healthy foods?" Nakatago ako sa walk-in closet ng kuwarto namin ni Uno at kausap si Heart sa cellphone.

"Nay-nay, wala akong gana."

"Huh? Bakit? Ayaw mo ba ng pagkain? Anong gusto mo?"

"Gusto ko ikaw. Halika na dito, nay-nay."

Nakagat ko ang ibabang labi ko matapos marinig ang sinabi ni Heart. Kawawa naman ang anak ko.

"Kaunting oras na lang, okay? Kaunti na lang, mahal."

"Isa?"

Napasinghap ako at mabilis na humarap sa pintuan kung saan nakatayo si Uno. Suot pa niya ang pang-office niya habang salubong ang mga kilay na nakatingin sa akin. I immediately ended the call.

"Who are you talking to?"

"N-no one!"

Nilapitan niya ako at inagaw mula sa akin ang cellphone na itinatago ko. "Alicia. Kausap mo si Ali?"