Chapter 30

Luther

Nagmamadali akong bumaba papuntang ground floor ng building. Sobrang excited ako dahil sa maagang pagbisita sa akin ni Abby. Hindi ko alam kung ano ang kailangan nito pero ayaw kong mag-isip ng ano pa man. Ang importante nandito siya dahil halos hilahin ko na ang oras para lang mapuntahan ito mamaya sa bahay nila o di kaya sa restaurant.

Pagdating sa lobby ay agad ko itong nakita na nakatayo malapit sa reception area. Bahagya pa akong nakaramdam ng inis dahil hindi man lang pinagkaabalahan ng mga staff na bigyan ito na upuan. Lalapit na sana ako dito ng natigilan ako. Nagtataka akong napatitig dito. Naalala ko kasi na ito pa rin ang damit na suot nito kahapon. Hindi ko alam pero nakaramdam ako ng kaba. Nang lumingon ito sa akin ay doon ko napagtanto ang lahat na may mali. Bigla akong kinabahahan lalo na ng mapansin ko na namamaga at namumula ang mga mata nito. Halata din sa awra nito ang pagod at puyat.

"Abby?" agad kong sambit sa pangalan nito ng makalapit. Lalo akong naguluh