Chapter 38

LUTHER POV

Nanginginig ang buo kong kalamnan dahil sa matinding galit. Nakaupo ako dito sa aming hideout at hinihintay ang pagdating ng tauhan ko na inutusan para hanapin si Pamela at dalhin sa harap ko. Alam ko ang dahilan kung bakit galit na galit sa akin si Abby kanina. Kahit busy ako sa kabi-kabilang meetings sa Europe alam na alam ko kung paano nagkalat si Pamela. Alam kong isa ito sa matinding dahilan kung bakit nagwala ng husto si Abby.

Sinadya kong huwag itong tawagan sa loob ng dalawang araw dahil gusto ko itong isurpresa. Binili ko lang naman ang pinakamahal na diamond ring at balak ko itong sorpresahin sa pamamagitan ng pagpapakasal ulit dito. Kaya lang umeksena na naman si Pamela. Ang mali ko lang una kong inatupag si Pamela pagdating pa lang dito sa Pilipinas. Nalaman ko kasing nasa Mall ito at gusto kong komprontahin dahil hindi ito sumunod sa bilin ko na bawiin ang gawa-gawang relasyon at kasalan naming dalawa. Wala naman talagang katotohanan ang bagay na iyun pero hin