Chapter 44

ABBY

Npangiti ako habang pinagmamasdan ang nakaayos na mga gamit ko dito sa walk in closet. Hindi na ako bumalik sa pagtulog at inabala ko na ang aking sarili sa pag-aayos ng mga gamit galing UK. Tama si Kuya Damian. Ang dami kong mga damit. HIndi naman pwedeng buruhin ko ang mga ito sa loob ng walk in closet ko. Kailangan magamit ko ang mga ito para naman hindi masayang.

Lumabas na ako ng aking walk in closet ng makita kong maayos na lahat. Isinalansan ko sa isang tabi ang mga cargo boxes at ipapakuha ko na lang ito mamaya sa mga kasambahay para itapon sa basurahan. Tiningnan ko ang relo sa bedside table ko at nagulat pa ako dahil halos alas-diyes na pala ng umaga. Grabe, hindi ko man lang namalayan ang oras. Kaya pala nakaramdam na ako ng gutom.

Agad akong naligo at nagbihis ng komportableng damit. Maiksing short at medyo maluwang na blouse ang napili kong isuot. Nagmamadali akong bumaba at hinanap ang dining area. Hindi ko pa naikot ang kabuuan ng bahay kaya naman nangangapa pa ak