Chapter 41

ABBY

Nasunod din ang gusto kong mangyari. Kinabukasan agad kaming nakauwi ng mansion. Sumalubong sa amin ang masayang mukha ng mga anak namin na sina Carl at Lorraine. Halos maluha-luha ako habang nakayakap sa mga ito. Pagkatapos ay masaya kaming nagsalo sa pagkain. Nagiging maayos naman ang aking kalagayan buong araw. Laging nakaalalay sa akin si Luther kahit saan man ako magpunta. HIndi ko din kinaliligtaan ang pag-inom ng gamot.

Mabilis na lumupas ang mga araw. Kakatapos ko lang maligo at halos maluha ako habang nakaharap dito sa salamin. Hindi maikakaila na may karamdaman ako dahil nag-iba na ang hitsura ko. Sobrang putla ko na at nangangayayat na din ako. Ilang araw o buwan pa ba ang bibilangin ko at tuluyan ng mawawala ang taglay kong ganda. Napaluha ako. Nakakaramdam na ako ng anxiety sa isiping kapag tuluyan na akong pumangit baka iiwan na ako ni Luther. Baka tuluyan na itong maghanap ng iba.

Kinahapunan ay bisita ko si Erika. Tuluyan ko ng ibinigay sa kanya ang pamamahala sa