Book 10: Chapter 21-Banta

NANINIBAGO si Arcile sa mga kinikilos ng nobyo. Lagi na itong dumadaan sa Rancho upang bisitahin siya na kabaliktaran sa ugali nito noon. Gumaan na rin ang loob niya sa bago niyang assistant at masasabi niyang mas magaling itong mangabayo kaysa kaniya.

"Cris, sa tingin mo magustohan ni Argus itong suot ko?" Tanong ni Arcile dito habang sinusuri ang sarili sa salamin. Nilingon niya ang kausap nang walang tugong narinig mula rito.

"Cris?" Pukaw niya sa tila natutulog ng diwa ng babae. Nasa mukha nito ang lungkot habang ginagala ang tingin sa loob ng kaniyang silid.

"Ngayon ka lang ba nakakita ng ganito kagandang silid?" Biro ni Arcile kay Cris.

Naikurap ni Cris ang mga mata bago itinuun ang paningin kay Arcile. Naririnig niya ito kanina na nagsasalita pero hindi niya napigilan ang sariling sariwain sa isip ang alaala ng kaibigan. Ngayon lang ulit siya nakapasok doon na dating silid ni Caroline.

Ngumisi siya kay Arcile bago sumagot upang alisin ang lungkot na nadarama. "Sort of." Maiksi