Book 10: Chapter 22

PAGBALIK ni Renzel sa kulungan ng kabayo ay wala na roon si Cris. Luminga muna siya sa paligid kung may iba bang taong makakita sa kaniya. Agad na kinuha ang bagay na naka install sa loob ng kuwadra at pinuntahan si Argus.

"Ito na ang video." Iniabot ni Renzel kay Argus ang video na kuha sa kuwadra ni Lexus. Hindi niya pinanuud iyon at hinayaang ang kaibigan na ang makakita.

"Thank you, si Darwin na muna ang tutukan mo." Biglang nagbago ang plano ni Argus. Nang makaalis na ang kaibigan ay saka niya pinanuod ang video clip.

"Hey, Baby!"

Naglapat ang mga ngipin ni Argus nang marinig ang tinig ni Cris habang kinakausap ang kabayo. Tahimik niyang pinanuod ang sunod pang pangyayari sa video.

"What happened?" Hinaplos ni Cris ang ulo ng kabayo. Bakas sa mukha nito ang labis na pag-alala sa kabayo. Sinuri pa nito ang katawan ni Lexus kung may sugat ba.

"Hey wake up, you don't miss me?" naluluhang kausap nito sa kabayo."

Marahas na napabuga ng hangin sa bibig si Argus at mabilis na iniwas ang