Book 10: Prologue-Cris

"CAROLINE, ano ang ibig sabihin nito?" nagugulohang tanong ni Cristine sa kaniyang bestfriend.

Magkaibigan na sila mula pagkabata at hindi siya nito itinuring na ibang tao kahit anak lamang siya ng mayordoma ng mga ito. Ang ina ng kaibigan ay mabait rin ngunit nakapag-asawa muli at hindi iyon nagustohan ng kaniyang kaibigan. Nadagdagan pa ang pagkadisguto ng kaibigan sa amain nito dahil dalawang taon lang ang nakalipas ay namatay ang ina ng kaibigan.

"Kailangan kong masiguro na sa mabuting tao mapunta ang aking mamanahin."

Lalo lamang nangunot ang noo ni Cristine sa narinig at nakaramdam ng inis sa kaibigan, "nahihibang ka na ba? Hindi biro ang halaga ng ari-arian ninyo para sa akin mo ipamana. Saka, ano bang kalokohan na namang pumasok diyan sa kukuti mo? Para ka namang mamatay na at gumawa ka pa ng last will and testament."

Ngumiti si Caroline sa kaibigan at niyakap ito. Pinigilan ang sariling mapaiyak at hindi magawang ibuka ang bibig upang sambitin ang nasa isipan. Ito na lang a