Book 10: Chapter 8-Katanungan sa sarili

"Ampon lang ba ako?" malungkot na tanong ni Cris sa sarili habang nakaharap sa malaking mirror.

Pinagmasdan ni Cris ang buo niyang katawan mula ulo hanggang paa. Hanggang ngayon ay palaisipan sa kaniya kung saan niya natamo ang piklat na nasa kaniyang ulo malapit sa noo. Ang isa pang piklat na makikita sa bandang tagiliran niya. Mayroon din sa itaas ng hita, at mukhang malalaking sugat noon na naghilom lamang. Sa tuwing haharap siya sa salamin ay mukhang ibang tao ang kaniyang nakikita sa sarili. Hindi niya alam kung bakit ganoon ang kaniyang pakiramdam sa tuwing tinititigan ang sariling reflection sa salamin.

Hindi niya alam kung ano ang nangyari sa mga nakaraan niyang buhay. Nagising lamang siya isang umaga na nasa isang silid. Simpleng buhay ang kaniyang namulatan at ang ama ang bukod tanging kilala niyang pamilya. Ayon dito ay nagkasakit siya at lumipat sila ng lugar upang madali siyang maka recover mula sa sakit. Ayaw niyang magtanong pa sa ama noon dahil sa tuwina'y sumasakit a