Book 10: Chapter 13-Panaginip

"Saan po kayo pupunta, Ma'am?"

"Gusto pong magpapahangin sa garden ng aking kaibigan." Nakangiting tugon ni Cristine sa lalaki.

"Ituloy mo na po manong ang pagkain mo." Pigil ni Caroline sa lalaki nang tangkang tutulongan siya sa paglalakad.

Nakahinga nang maluwag ang dalawa nang sumunod ang guard sa utos ni Caroline. Malayo ang garahe mula sa gate at ang pinto ang mas malapit sa kinaroroonan nila ngayon.

"Tunta, bakit mo iniwan ang pwesto mo?" narinig nilang bulyaw ni Darwin sa guard.

"Kukuha lang po ako ng tubig sa loob , boss, dahil nakalimutan kong magdala." Sagot ng lalaki sa among nangangalit ang ngipin dahil sa galit. Lalo itong nagalit nang malamang lumabas ng bahay ang magkaibigan.

"Ako na ang magbubukas ng gate, ito ang susi ng kotse ko." Inabot ni Caroline ang susi sa kaibigan.

Sa una ay tumutol si Cristine na iwan ang kaibigan. Ngunit masusukol sila pareho ng kaibigan kung hindi niya ito sundin. Alam niyang inuubos ng kaibigan ang lakas nito para makalabas sila. Kung siy