Book 10: Chapter 19-Unang halik

"How dare you to touch her!" Inundayan niya ng magkasunod na suntok sa mukha ang lalaki na nagulat din sa bigla niyang pagsulpot. Kung hindi pa natumba si Cristine dahil nawalan ng balance ay hindi niya tantanan ang lalaki. Walang nakapansin sa gulong nilikha niya dahil maingay ang paligid at malayo sa kinaroonan ng mga taong abala sa sayawan at inuman. Ang lalaki ay hindi na rin magawang bumangon at mukhang nakatulog na ito dahil sa suntok niya at sa kalasingan na rin.

"Let's go!" Walang ingat niyang binuhat ang dalaga. Nagagalit pa rin siya dahil hindi nito sinunod ang bilin niya kanina kaya kamuntik na itong mapahamak.

"Aray!" Sapo ni Cristine ang ulo dahil naalog iyon sa tuwing humahakbang ang binata. "Nahihilo na po ako!"

Sandaling tumigil sa paghakbang si Argus at ibinaba ang dalaga. Muli niyang sinalo ang beywang nito nang gumiwang ito sa pagkatayo.

"Walk!" galit niyang mando sa dalaga.

Napalabi si Cristine at hindi sinunod ang binata. "Bakit ka galit?" Sinilip pa nito ang muk