Book 10: Chapter 16-Ang traidor

"ANO po ang kailangan nila?" magalang na tanong ni Ruel sa lalaking nakatayo sa harap ng bahay na tinutuloyan niya.

"Ikaw ba si Ruel?"

Sinuyod ni Ruel ng tingin ang lalaking kaharap. Kahit ngayon niya lang ito nakaharap ay may idea na siya kung sino ito.

"Ako nga po."

Ngumiti si Robert sa binata, nag-ayos pa siya upang magmukhang pormal sa kaharap.

"Mabuti naman at nahanap na kita. Kahapon pa ako naghahanap sa iyo upang makita ang anak ko."

"Kayo po ang father ni Cris?" pinasigla ni Ruel ang kaniyang tinig.

"Oo, Hijo. Matagal ko na siyang hinahanap at sobrang nag-aalala nang mapanuod ang balita."

"Naku mabuti naman po at nahanap niyo ako. Hindi ko po kasi alam kung sino ang kuntakin na kamag anak niya."

"Kumusta na siya, pwede mo ba akong dalhin sa kaniya?"

Walang pag-aalinlangan na pinapasok ni Ruel ang lalaki sa kaniyang tinutuloyang bahay. "Pasok po muna kayo at tatawagan ko ang aking assistant upang ihatid si Cris dito. Huwag po kayong mag-alala at maayos lang siya. Sumakit lang