Book 10: Chapter 11-Pagbalik ng alaala

"KUMUSTA na siya?" tanong ni Dexter kay Ashton matapos nitong masuri si Cris.

"Wala pa ring malay pero wala naman damage na natamo. Sinuri ko ang ulo niya at mayroong palatandaang naaksidente nga siya noon. Pero naalagaan naman ang sugat niya at naghilom ng maayos ito. Hintayin na lang nating magising siya."

Pinagmasdan muna ni Dexter ang dalaga bago tumalikod at kinausap si Ruel.

"Tiyak na hahanapin siya ng ama at ikaw ang haharap sa kaniya. Sundin mo ang lahat ng instructions ko." Bilin ni Dexter kay Ruel

Tinandaan ni Ruel ang lahat ng bilin ng nakakataas sa kaniya. Nagulat pa siya kanina sa nalaman tungkol sa totoong pagkatao ni Cris. Ngayon niya naintindihan kung bakit naroon ang kanilang mga boss sa patimpalak. Siya ang tumatayong guardian ng kaibigan at may hawak bilang manager nito sa karera. Kaya nakakatiyak na siya ang hahanapin ng ama nito kapag hindi mahanap ang dalaga.

"May posibilidad na maalala niya ang nakaraan at makakalimutan ang kasalukoyan. Pero mas ok na ang ganyan