Book 2: Chapter 13-Pagkatagpo sa apo

"AYOS ka na ba?" tanong ni James kay Sasha mula sa kabilang linya. Sa ilang araw na hindi ito nakitang bumubuntot sa kaniya ay nag-alala siya.

"Maging maayos lang ako kung isama mo ako sa laban mo." Pilosopong sagot ni Sasha sa kaibigan. Ayaw niyang malaman ni James na dumadanas siya ngayon ng kalungkutan.

"Tsk! Alam mong mas mahal ko ang buhay mo keysa buhay ko."

Mapait ang ngiting sumilay sa labi ni Sasha. Parang gusto na naman niyang umiyak. Wala namang duda na mahal siya ng mga kaibigan. Pero sa estado ng kaniyang emosyon ngayon ay nanghihina siya. At ayaw niyang makita siya ng mga ito sa ganoong sitwasyon. Naisip niya na marahil ay dahil sa nakita niya ang mga taong tumalikod sa kaniyang ina noon kaya siya nagkakaganito.

"Maging busy na ako sa trabaho ko mula bukas. Baka matagalan bago tayo magkita muli kaya huwag mong pabayaan ang sarili mo. Huwag matigas ang ulo at nariyan si Kailani kung kailangan mo ng tulong." Mahabang bilin at paalala ni James sa kaibigan.

"Thank you! Mag-i