Book 2: Chapter 14: Lungkot at galit

"Huwag ka munang umalis na mag-isa. Mula ngayon ay kailangan mong mag-ingat at hindi ka dapat humiwalay sa akin." Mahigpit na bilin ni Dexter sa dalaga nang makarating na sila sa opisina niya.

"Ano ba ang pinagsasabi mo? Hindi ganoon kalaki ang atraso ko sa lalaking iyon upang pag-initan ako ng husto!" Kanina pa gusto umalis ni Sasha ngunit hinaharangan siya ng binata.

"Hindi ba at anak ka ni Joan?"

Napatigil si Sasha sa paghakbang palabas ng pinto at nagtatakang nilinong si Dexter.

"Paano mo nalaman ang pangalan ng aking ina?" Kunot ang noo na tanong niya dito. Nang maalala si Jenny ay marahil nasabi nito sa binata kaya hindi na niya gaanong pinagtuunan ito ng pansin.

"Kung ganoon ay ikaw nga ang taong pinahahanap sa akin!" hindi makapaniwalang saad ni Dexter habang hindi hinihiwalay ang tingin sa dalaga. Ngayon niya lang napansin ang pagkakahawig nito sa mukha ni Marcus.

"Pwede bang sagutin mo ang tanong ko? Kanina mo pa ginugulo ang utak ko!" Iritadong humarap muli si Sasha sa bina