Book 7: Chapter 22-Awa at selos

"WALA pa po ba si Lights?" nanghihinang tanong ni Raiko sa ina na malungkot nakatunghay sa kanya. Tuwing paggising niya ay ang malungkot na mukha ng ina ang kanyang nakikita. Walang araw na hindi ito umiiyak at hindi matanggap ang kanyang nalalapit na paglisan sa mundong ibabaw. "Ma?" pukaw niya sa pananahimik ng ina.

May pag alinlangang sumagot si Laila sa anak. Alam niya ang lahat ng nangyayari sa Davao ngunit nag aalinlangan siyang sabihin sa anak. Ramdam niya na may espisyal na damdamin ang anak niya sa binatang abogado, na asawa na ngayon ni Ellah. Bukam-bibig nito si Cloud at binibida sa kanya kung gaano kagiting ang lalaki para dito.

"May dapat po ba akong malaman, Ma?" Mahamig na sa tinig ni Raiko ang pagka inip.

"Wa-wala anak, narinig ko kanina na nakabalik na siya dito sa Manila. Nagka problema lamang pero wala kang dapat ipag-alala." Nakangiti na ginagap nito ang palad ng anak. Binantayan niya ito hanggang sa makatulog muli. Dalawang linggo palang siya roon at hindi pa niy