"AYAW kong sumama ang loob ni Raiko kaya sana ay mag-ingat ka sa mga bibitawan mong salita. Manatili ka rito ng ilang araw habang abala pa ako sa pag-asikaso sa problema.""Huwag kang mag-alala, may puso pa rin ako at pinsan ko si Raiko. Isa pa ay hindi rin ako magtatagal dito. Ngayong napatunayan kong mabuti kang tao ay panatag akong iwan sila sa pangangalaga mo." Hindi maiwasan ni Ellah ang maging bitter."Baka nakalimutan mong asawa na kita kaya kung nasaan ako ay dapat naroon ka rin."Nagpigil si Ellah na ilabas ang saloobin na nagpapasikip sa kaniyang dibdib. Bumaba siya sa kama at humarap sa bintana upang itago ang pamumula ng mga mata sa mapanuring tingin ni Cloud. Sa halip na salungatin ito ay iba ang namutawi sa kaniyang labi."Kailangan ako ni Daddy.""May tao na akong iniwan doon at—""I want to go back in Davao, sa ayaw at sa gusto mo." Matigas na putol niya sa iba pang nais sabihin ni Cloud."What's wrong with you? Kailangan mo ba talagang pairalin ang katigasan ng ulo mo
KUMILOS si Ellah at bumaling ng higa sa kabilang panig ng silid. Ramdam niya na kanina pa siya pinagmamasdan ni Cloud. "Stop beating!" galit na sikmat niya sa kanyang sariling puso nang bumilis na naman ang pintig niyon. Naiinis siya sa kanyang sarili dahil hindi marunong kontrolin ang damdamin sa tuwing nasa malapit ang lalaki."Alam kong gising ka," tila may bikig sa lalamunan na pagsisimula ni Cloud. "Hindi tama ang sa kung ano man ang iniisip mo kung kaya sumama ang loob mo sa akin." Mariing naipikit ni Ellah ang mga mata habang hinihintay ang iba pang paliwanag ng asawa. "Bati na tayo." Tila napilitan lang na dugtong pa nito.Nakasimangot na nilingon niya ang asawa. Hindi iyon ang inaasahan niyang sasabihin pa nito. Pinigilan ang sariling mapangiti nang masilayan ang mukha ni Cloud. Ang cute lang nito tingnan dahil halo ang emosyong makita sa mukha nito, pagkailang at alinlangan."Titingin ka lang ba?" Mahamig naman ngayon ang iritasyon sa tinig ng binata."Pinapalaya na kita,
"Boss C!" Hindi na nilingon ni Cloud si Amalia na bumati sa kanya. "Bantayan mo siyang mabuti, baka malingat ka at makalabas siya ng hideout.""Patutulogin ko siya, boss, kapag matigas ang ulo niya." Pumitik sa ere ang dalawang daliri ni Amalia habang nakangiti. Dagli ring nabura ang ngiti sa labi nang makita ang malaking tao na pumasok sa tarangkahan. Nangungusap ang mga mata na tumitig siya sa taong bagong dating. Ngunit ang isinukli nito sa kanya ay walang emosyong mga titig."General!" Sumaludo si Cloud sa bagong dating."Nagmamatigas pa rin siya." Tukoy ni Max kay Lucas.Napabuntonghininga si Cloud, "ako na ang bahala sa kanya."Tinanguan ni Max ang binatang abogado bago tumuloy sa loob upang kumustahin ang mga tao na naroon. Siniguro rin ang kaligtasan ng mga ito habang wala ang ibang detective dahil busy sa pag-aasikaso ng kaso ni Cloud.Napalabi si Amalia nang lagpasan lang siya ng makisig na general at ni hindi napansin ang kaniyang beauty. Kailangan pa niya yata itong galit
"WHERE do you think you're going?"Daig pa ni Ellah ang natuklaw ng ahas pagkarinig sa malagom at baritonong tinig ng asawa. Kahit hindi niya ito nakikita ay kilala niya ang tinig nito na nagpapalambot sa kanyang mga tuhod."Gusto mo ba talagang mapahamak?" mahina ngunit puno ng galit ang tono ng pananalita ni Cloud. Walang nakakaalam na dumating siya bukod sa guard na nakabantay sa tarangkahan. Agad siyang dumiritso sa silid ng asawa ngunit hindi niya ito natagpuan doon. Lahat ng tao sa bahay na iyon ay tulog na at alam niyang hindi ugali ng asawa ang makitulog sa silid ng iba.Sa halip na matakot o salubongin ang galit ni Cloud, nakangiti na humarap siya dito at pinulupot ang dalawnag braso sa beywang nito. Tumingala siya upang salubongin ang nagbabaga sa galit na mga mata nito. Ang totoo ay kanina pa siya naghahanap ng daan upang makaalis sa lugar na iyon. Ngunit napakataas ng bakod kung kaya hinihintay niyang makatulog ang bantay sa gate.Pahaklit na binaklas ni Cloud ang braso ng
"MOM?" May pag-aalinlangang tawag ni Cloud sa ina na kanina pa nakatitig sa kanya. Gusto niya itong yakapin ngunit natatakot siya na baka hindi siya nito kilalanin at lalong magulo ang isip."Saan ka nanggaling? Bakit ngayon ka lang umuwi?" bahagyang bumagsik ang awra ng mukha ng ina nang makilala siya. "Maliit ka pa noong hinatid kita sa paaralan." Nag-igtingan ang mga ugat sa leeg habang nakatiim bagang. Hindi ito ang inaasahan niyang reaksyon sa muli nilang pag-uusap ng ina. "Magpagaling na po kayo at pangakong hindi ko na kayo muling iiwan." Maingat niyang niyakap ang ina nang makitang may luhang pumapatak sa mga mata nito."Matagal kitang hinintay, Anak! Ang daddy mo ay pinatay nila, dito ka lang sa tabi ko upang hindi ka nila makuha sa akin." Naging malikot ang galaw ng mga eyeballs ng ginang at hinigpitan ang yakap kay Cloud."Pangako, pagbayarin ko siya at sa pagkulong niya sa iyo ng maraming taon sa bahay nila!""Matutulongan ka ng Tito Tony mo upang mahuli sila, Anak!"Naik
"PAANONG nawawala ang kapatid ko?" galit na bungad ng tanong ni Ted kay Tony."Umupo ka muna," kalmadong paanyaya ni Tony sa huli. "Hindi ko pa alam kung saan itinago ng aking kalaban ang kapatid mo. Pero nakakasiguro ako na hawak niya ito upang magamit laban sa akin." Lihim siyang napangisi nang makita ang pag-igting ng panga ng hilaw niyang bayaw."Gusto kong makilala ang hayop na iyan." Diterminadong pahayag ni Ted. Mahal niya ang kanyang kapatid kahit na nagkaroon ito ng sakit sa isip."Tanging si Conrad ang nakakaalam ng katotohanan. Siya ang inaasahan kong maging witness upang mahanap natin si Ana."Gusto ko siyang makita." Pahayag ni Ted at kilala niya si Conrad. May hindi sila pagkaunawaan ng huli noon dahil mayabang ito."Pasasamahan kita bukas sa tauhan ko upang bisitahin siya." Pinahanda niya sa katulong ang tutulogan ni Ted. Pumayag ito na kinabukasan na bisitahin si Conrad dahil gabi na rin.... PATAKBONG pumasok si Cloud sa hospital kung saan naroon ang ama ni Ellah "An
"MULA ngayon ay huwag ka nang lumapit sa aking asawa." Napapiksi si Ellah pagkarinig sa baritonong tinig ng asawa. Mabilis siyang kumawala sa yakap ng kanyang ninong at may pangingilag na lumayo dito. Agad na yumakap sa asawa nang makalapit ito sa kanya."Hija, sa akin ka dapat sumama at magtiwala ngayong wala na ang iyong ama." Mahinahon na hikayat ni Tony sa inaanak. Nagtitimpi na hablutin ang buhok ng dalaga upang ilayo sa kaaway.Hindi pinansin ni Cloud ang congressman at hinarap ang asawa. "Gusto mo bang makausap si Eliza?" Dinig ni Tony na tanong ni Cloud sa asawa nito. Pagkalingon niya ay saka lang niya napansin na naroon din ang kaniyang anak. Nangunot ang kanyang noo sa pinapakitang pagkagiliw ng binata kay Eliza. Pasimpli niyang pinag-aralan ang kilos ni Cloud habang kaharap ang kanyang anak. Kung makipag-usap ito kay Eliza ay tila may kasamang pagpapahalaga iyon ng samahan, gayong hindi naman close ang mga ito. Nilingon ni Cloud si Tony na alam niyang kanina pa nakatingi
''DIYAN ka!" "King ina!" napamura si Wigo nang kamumtik na mapasubsob ang mukha sa sahig nang pabalya siyang ipinasok sa kulongan ng pulis. "Shit!" Kinapa niya ang sariling mukha kung malaking sugat ba ang natamo niyon. Nakipag suntokan siya kanina sa isang pulis at mukha pa niya ang pinuntirya ng lalaki."Sa susunod ay kilalanin mo kung sino ang binabangga mo ha!" Dinuro ng pulis si Wigo, may sugat din ito sa labi dahil pumotok iyon nang suntokin ni Wigo.''Ulol! Isa kang salot na pulis!" bulyaw ni Wigo sa lalaki. Asar siya rito dahil nasira ang plano niya na pumasok sa kulungan na pogi pa rin ang mukha. Sa halip na magpanggap na lasing at hamunin lang ito ng away, diritso rambol siya dito dahil nakita niyang tangkang panghahalay nito ng dalagita sa liblib na lugar. Pasalamat ito dahil may dumating na ibang tao, kung hindi ay baka durog ang mukha nito sa kanyang kamao. Malas nga lang at nabaliktad ang sitwasyon. Siya ang lumabas na rapist, ang dalagita ay ayaw sumagot nang tanongin