Book 8: Chapter 10-Mad

"ANO na naman ginawa mo at nagalit ang dragon?" pabulong na tanong ni Wigo kay Amalia at ikinubli ang mukha mula sa matalas na mga mata ni Max.

"Bakit ako? Nagpapalibre lang naman ang alam kong kasalanang nagawa ko ngayon." Halos si Amalia lang ang nakakarinig sa sariling tinig. Lalo siyang dumikit kay Wigo upang ito ang ipananggalang kung sakaling sumabog ang temper ng masungit na heneral.

"Lumayo ka na nga sa akin!" Halos itulak ni Wigo si Amalia palayo sa kanya nang tumalim ang tingin ni Max na nakatingin sa katawan nila ni Amalia.

Napasimangot si Amalia at nagmatigas sa kinatayuan. Hindi siya nagpatinag sa pasimpling tulak sa kaniya ng kaibigan. Nang hawakan siya ni Wigo sa balikat upang itulak ay tumikhim si Max.

"Ah, boss," tabingi ang ngiti at parang napapaso na binitiwan niya ang balikat ni Amalia. Lumipat siya sa likod ng dalaga at mula doon ay marahang itinulak ang kaibigan palapit kay Max.

Parang estatwang nanigas ang katawan ni Amalia at halos sapilitang naihakbang ang m